Nuk ka nevojë për Master në Menaxhim Biznesi për të ditur se ekzistojnë dy mënyra themelore për të rritur fitimet e firmës suaj:
- rrisni të ardhurat,
- zvogëloni kostot.
Bizneset e zgjuara përveçse zbatojnë strategji marketingu, marrin dhe masa për uljen e kostove në mënyrë që t’i bëjnë të dyja. Ndërkohë aktualisht shumë biznese janë aq shumë të fiksuar me rritjen e shitjeve aq sa harrojnë për rëndësinë e zvogëlimit të dhjamit dhe përfundojnë në të vërtetë duke ulur fitimet.
Fitimet vetëm, mund të mashtrojnë
Kushdo që ka bërë një kurs bazë biznesi, ose ka një experience në tregti, di se si t’i llogarisë fitimet. Në fillim mblidhen bashkë të tëra të ardhurat, prej të cilave zbriten kostot totale, dhe në fund çfarëdo që mbetet është fitim. Por kujdes, fitimi në vetvete si një masë matëse e suksesit në biznes mund të jetë mashtrues. Për shembull, Kompania A shpenzon 900.000 euro për të shitur 1 milion euro produkte dhe shërbime, duke gjeneruar 100.000 euro fitime, ndërkohë që Kompania B shpenzon 400.000 euro për të gjeneruar 500.000 euro. Të dyja kompanitë gjenerojnë të njëjtin fitim (100.000 euro) por a janë po aq fitimprurëse?
Përgjigja e thjeshtë është JO. Sa më shumë që një kompani të shpenzojë për të gjeneruar një fitim të caktuar, aq më e prekshme është ajo nga luhatjet më minore në kostot e saj, ndryshime kostoje këto të cilat shumë shpejt mund ta nxjerrin atë jasht biznesi. Duke vazhduar në shembullin e mësipërm, le të supozojmë se Kompania A shpenzon 200.000 euro në kosto të sigurimeve shëndetësore, dhe se këto kosto rriten me 10% ( rritje në legjislacion). Kjo automatikisht i rrit kostot e sigurmit me 20.000 euro, duke i ulur fitimet në 80.000 euro. Kompania B shpenzon 100.000 euro në kostot e sigurimit shëndetësor. Rritja 10% e ksotove të sigurimeve shëndetësore, në fund të vitit sjell një ulje të fitimeve në shoqëri me vetëm 10.000 euro, duke bërë që fitimet të bien ne 90.000 euro. Në këtë moment Kompania B është duke fituar 10.000 euro më shumë se Kompania A.
Marzhet e Fitimit ofrojnë një Perspektivë më realiste
Eshtë shumë e rëndësishme që bizneset të ndjekin jo vetëm fitimet por dhe marzhet e fitimit. Ndërsa fitimet maten me para (euro, dollar, lek etj) marzhi i fitimit matet si përqindje, ose si raport, konkretisht: raporti midis të ardhurave neto (fitimit) dhe shitjeve totale. Duke vazhduar shembullin e mësipërm, Kompania A ka 100,000 euro në të ardhura neto dhe gjeneron 1 milion euro në shitje totale, kështu që marzhi i fitimit të saj është 100,000 / 1.000.000 ose 10 përqind. Kompania B gjithashtu gjeneron 100,000 euro në të ardhura neto, por shitjet e saj totale janë 500,000 euro, duke e bërë marzhin e fitimit 20% (100,000 / 500,000). Të dy kompanitë kanë të njëjtën sasi fitimi, por Kompania B është dy herë më fitimprurëse sesa Kompania A.
Si të rrisim marzhin e fitimit
Për shkak se marzhi i fitimit pasqyron më saktë fitueshmërinë afatgjatë dhe ndjeshmërinë e një biznesi ndaj rritjeve të papritura të kostove fikse (siç janë sigurimet, shpenzimet administrative dhe taksat), është e rëndësishme të gjurmoni marzhin e fitimit dhe të zbatoni strategji, të cilat e mbajnë atë sa më lart që të jetë e mundur.
Ekzistojnë në thelb dy mënyra për të rritur marzhin e fitimit të një kompanie. Së pari, ju mund të rritni çmimin që ju ngarkoni për produktet dhe shërbimet tuaja, por kjo duhet të bëhet vetëm pas një analize të kujdesshme të ndikimit të atyre çmimeve të rritura në sjelljen e konsumatorit dhe shitjet totale. Qasja e dytë dhe shumë më e sigurt është të kontrolloni kostot.
Rëndësia e shkurtimit të kostove
Një rënie e vogël e kostove do të përmirësojë marzhin tuaj të fitimit më shumë sesa një rritje e krahasueshme në shitjet totale. Kompania A në skenarin e mësipërm harxhon 900,000 euro për të gjeneruar 1 milion dollarë shitje, duke i dhënë asaj një fitim prej 100,000 euro dhe një marzh fitimi prej 10 përqind. Nëse kompania rrit shitjet me 50,000 euro (të themi, duke rritur ose çmimin ose bazën e klientit), por nuk i zvogëlon kostot, fitimi i saj rritet në 150,000 euro, dhe marzhi i fitimit rritet në 150,000 / 1.050,000, ose 14.28 përqind.
Nëse në vend të kësaj strategjie, Kompania A vendosi t’i mbajë shitjet konstante, por të ulë kostot me të njëjtën shumë (50,000 euro), fitimet lëvizin edhe një herë në 150,000 euro, por marzhi i fitimit tani rritet në 150,000 / 1.000,000, ose 15 përqind. Ulja e kostove në krahasim me rritjen e shitjeve ka bërë që kompania A të jetë më e dobishme dhe më pak vulnerabël, dhe është përgjithësisht më e lehtë dhe më pak e rrezikshme për të ulur kostot sesa për të rritur shitjet.
Konkluzion
Asnjë strategji e vetme nuk ka të ngjarë të rrisë përfitimin e një kompanie ose perspektivat për sukses afatgjatë të saj. Kompanitë më të suksesshme analizojnë me kujdes sjelljen e konsumatorit për të përcaktuar çmimin më të mirë për të ngarkuar mbi produktet që ato tregtojnë, ndërkohë që njëkohësisht hulumtojnë një sërë strategjish fikse të uljes së kostos, duke filluar nga nënkontraktimi i funksioneve jo kritike të punës, deri në zvogëlimin e tyre, për të hulumtuar me kujdes opsionet e kujdesit shëndetësor për punonjësit e tyre. Një analizë gjithëpërfshirëse e çmimit të shitjes dhe masave që duhen marrë për uljen e kostove, jep mundësinë më të mirë për të rritur përfitimin një kompanie dhe jetëgjatësinë e saj në treg.
